तिमीसँग मेरो माया चुलिने भो भोलि मात्र
मनमा जेजे भए पनि खुलिने भो भोलिमात्र ।
राम्रो गरी घुलमिल परिचय भएपछि
एकार्काको भाव बुझी घुलिने भो भोलिमात्र
समाज छ आफन्त छन् सर्म पनि हुने नै भो
बिहेबारी गरेपछि डुलिने भो भोलिमात्र ।
हाम्रा भाव हाम्रा सोच भिन्न हुनु स्वभावै हो
मनभित्र बोझ थियो धुलिने भो भोलि मात्र ।
हिजोसम्म सामु पर्नै डर लाग्ने कुराहरू
अहिलेसम्म सम्झे पनि भुलिने भो भोलि मात्र ।
माया पनि उधारोमा कति गर्नु कति गर्नु
तिम्रो मेरो लेनदेन सुलिने भो भोलि मात्र ।
शुभ लग्न भोलि नै छ आजै किन हतारिनु
तिमीलाई बेहुली पारी हुलिने भो भोलिमात्र ।
भद्रपुर झापा
