काठमाण्डाै: आउँदाे फागुन २ मा नेपालमा हुन लागेकाे आईसीसी विश्वकप क्रिकेट लिग–टू अन्तर्गत त्रिदेशीय सिरिजको लागि नेपाली क्रिकेट टोलीले तयारी गरिरहेकाे छ । नेपाल, नामिबिया र स्कटल्याण्ड सम्मिलित त्रिदेशीय क्रिकेट शृङ्खलालाई लक्षित गरेर बन्द प्रशिक्षण चलिरहेकाे छ ।
बलात्कार आराेप लागेका सन्दीप लामिछानेसहित २० जना खेलाडीहरु बन्द प्रशिक्षणमा छन् । क्यानको खेलाडी छनोट समितिले यस शृङ्खलालाई लक्षित गरेर सन्दीपलाई पनि बन्द प्रशिक्षणमा बोलाएको हो । गएकाे बुधबार पोखरामा बसेको नेपाल क्रिकेट सङ्घ (क्यान) को बैठकले सन्दीपको निलम्बन फुकुवा गरेपछि उनी राष्ट्रिय टिममा फर्किएका हुन् । बन्द प्रशिक्षणमा रहेका खेलाडीहरुले अहिले त्रिवि क्रिकेट मैदानमा नियमित अभ्यास गरिरहेका छन् ।
