हुम्ला: हुम्लाको सिमकोटबाट हिल्सा जाँदै गरेको जीप कर्णाली नदीमा खसेको छ। आज बिहान हिल्सा गइरहेको गरेको प्र ०३-०१०२२ च ५१२६ नम्बरको जीप कर्णाली नदीमा खसेको जिल्ला प्रहरी कार्यालय हुम्लाले जनाएको छ।
हिल्सा जाँदै गरेको जीप नाम्खा गाउँपालिका-२ को उकालोमा उक्लिन नसकेपछि जीपमा सवार सबै यात्रु ओर्लेको प्रहरीले जानकारी दिएको छ। कर्णालीमा खस्दै गरेको जीपबाट हामफालेर बाँच्न सफल भएपनि जीप चालक राजेश लामा गम्भीर घाइते भएको हुम्ला प्रहरीले जानकारी दिएको छ। गम्भीर घाइते भएका लामालाई उपचारका लागि सुर्खेत अस्पताल लैजान लागिएको प्रहरीले जनाएको छ।
उकालोमा मानिसहरू ओर्लिएर ड्राइभर मात्रै गएका कारण अरु मानवीय क्षति नभएको हुम्लाका डिएसपी भीमलाल भट्टराईले बताए । यसबारेमा विस्तृत विवरण आउन बाँकी छ ।
