कोहलपुर,बाँके: बाँकेको कोहलपुर नगरपालिका नगर शिक्षाद्धारा आयोजित नगरस्तरीय आधारभूत तह चित्रकला प्रतियोगितामा नमुना बिद्या सदनकी रक्षा सिंजालि मगर प्रथम हुन सफल भएकी छिन ।

बालमैत्री विद्यालयको परिकल्पना भन्ने शीर्षकमा ३२ जना आफना प्रतिस्पर्धिलाई उछिन्दै नमुना बिद्या सदन कोहलपुर ८ की छात्रा सिंजालिले प्रथम स्थान ओगटन सफल भएकी हुन । सो प्रतियोगितामा द्वितीय स्थानमा पन्चमुखी मा. वि. कि सुलोचना मगर आउन सफल भईन ।

यसैगरि तृतीयमा दिव्य विद्या सदनकी आयुषा सिद्धिकी र सान्त्वना वेस्टर्न मा विकी नितिका लम्साल आउन सफल भएकी छिन । कोहलपुर नगर शिक्षा तथा खेलकुद शाखाको आयोजना र कोहलपुर वागेश्वरी इ मि स्कूलको ब्यबस्थापकिय सहयोग रहेको कार्यक्रममा नगर शिक्षा शाखा प्रमुख राम बहादुर हमालले सफल बाल बालिकाहरुलाई पुरस्कार तथा प्रमाण पत्र प्रदान गरका थिए ।