कोहलपुर,बाँके:बाँकेको कोहलपुर १४ हवलदारपुर नजिक कोहलपुरबाट नेपालगञ्ज जादै गरेको कारले नगर बसलाई ठक्कर दिंदा कारमा सवार २ जना घाईते भएका छन । चालक निदायर रोकिराखेको माईक्रोमा कार अनियन्त्रित भएर ठोक्किएको हुन सक्ने प्रहरीले अनुमान गरेको भए पनि घटनाको बिस्तृत विवरण आई नसकेकाले घटनाबारे यसै भन्न नसकिने एक प्रहरी अधिकृतले कोहलपुर टाईम्सलाई बताए ।

बा ११ च ८९७८ नम्बरको कारले यात्रु बहाक नगर माईक्रोलाई पछाडिबाट ठक्कर दिंदा बसको सामान्य क्षति भएको भएपनि कारमा भने ठुलो क्षति भएको छ । दुर्घटनामा घाईते भएका कारमा सवार दुई जनालाई उपचारका लागि शिक्षण अस्पताल नेपालगञ्ज लगिएको छ भने कार चालक महिला सामान्य घाईते भएको प्रहरीले बताएको छ । कार चालक र कारमा सवार अन्य २ जनाको भने नाम खुल्न सकेको छैन ।