सल्यान:सल्यानमा एक महिलाको विभत्स हत्या गरिएको अवस्थामा शव भेटिएको छ । घरबाट आइतबार विहान घाँस काट्न गएकी ति महिलाको मकैबारी हत्या गरिएको अवस्थामा शव भेटिएको हो ।

शारदा नगरपालिका १४ ढारखानीमा ४७ की उर्मीला गिरीको शव फेला परेको जिल्ला प्रहरी कार्यालय सल्यानका निमित्त प्रमुख सन्तोष खनालले जानकारी दिए ।

उनकाअनुसार घटनाको प्रकृति हेर्दा घाँटी रेटिएको अवस्थामा शव फेला परेको छ । ‘म अहिले घटनास्थलमै छु, यसबारे थप अनुसन्धान शुरु गरिएको छ,’ खनालले भने, ‘अहिले नै घटना के कति कारण भयो भन्न सकिने अवस्थाा छैन्, अनुसन्धानका लागि प्रहरी गम्भीर भएर लागेको छ ।’ प्रहरीले अनुसन्धानका लागि तालिम प्राप्त कुकुरसमेत घटनास्थलमा ल्याउने तयारी गरेकाे छ ।