कोहलपुर, बाँके:बाँकेको कोहलपुर नगरपालिकामा नगर स्तरीय खुल्ला कविता प्रतियोगिता सम्पन्न भएको छ । प्रतियोगितामा बालज्योति माध्यामिक बिद्यालयले प्रथम स्थान हाशिल गर्न सफल भएको छ । शुक्रबार कोहलपुर नगर शिक्षा शाखाको आयोजना र जन ज्ञानज्योति माविको समन्वयमा नगर स्तरीय खुल्ला कविता प्रतियोगिता सम्पन्न भएको हो ।

प्रतियोगितामा बालज्योति माविमा अध्ययनरत निकिता बोहरा प्रथम, जन ज्ञानज्योति माविमा अध्ययनरत करुणा खनाल द्वितीय, लक्ष्मी माविमा अध्ययनरत लक्ष्मी बुढा तृतीय र डाइनामिक माविमा अध्ययनरत श्रेया पौडेल सान्तोना भएकी छिन् । प्रतियोगितामा प्रथम, द्धितीय, तृतीय र सान्तोना हुने बालबालिकाहरुलाई स्टेशनरी तथा प्रमाणपत्र कोहलपुर नगर प्रमुख आचार्यले प्रदान गरेका थिए ।

कोहलपुर नगरपालिका प्रमुख पूर्ण प्रसाद आचार्यको प्रमुख आतिथ्यता तथा जनज्ञानज्योति माविका प्रधानाध्यापक सुमित्रा न्यौपानेको अध्यक्षतामा खुल्ला कविता प्रतियोगिता सम्पन्न भएको हो ।

कार्यक्रममा जनज्ञानज्योति माविका विव्यस अध्यक्ष खिमलाल बास्तोला, एनएनटिएका राष्ट्रिय समितिका उपमहासचिव एकदेव पन्थी र शिक्षक महासंघ कोहलपुरका नगर अध्यक्ष राम प्रसाद चापागाई लगायतको उपस्थिति थियो । प्रतियोगितामा पुस्कर रिजाल, विमला कुमारी खत्री र देवकी निरौला मुल्याकंनकर्ताको रुपमा सहजिकरण गरेका थिए भने कार्यक्रमको सञ्चालन गायत्री हमालले गरेकी थिइन् ।