बैजनाथ  :बाँकेको बैजनाथ गाउँपालिका वडा नम्बर ५ जीगाउँ चोकमा मोटरसाइकलले अटोलाई ठक्कर दिँदा ६ जना घाइते भएका छन् । बुधबार दिउँसो १२ बजेको समयमा पश्चिमबाट पूर्व तर्फ आउदै गरेको को न पा ९६ नम्बरको अटो लाई सोही दिशाबाट कोहलपुर तर्फ आउदै गरेको भे १० पा ९५७३ नम्बरको मोटरसाइकलले ठक्कर दिएको हो ।

उक्त ठक्करबाट मोटरसाइकल चालक बैजनाथ २ का जितेन्द्र चौधरीको दायाँ खुट्टा भाँचिएको, टाउको र छातीमा चोट लागि गम्भीर अवस्था रहेको प्रहरीले जनाएको छ। साथै मोटरसाइकल पछाडि सवार कोहलपुर १२ चपरगौडी बस्ने जागेश्वर चौधरी घाइते भएका छन् ।

यस्तै अटो चलाको कोहलपुर १० बाबानगर बस्ने मनिषा शाही अटोमा सवार बैजनाथ ५ की सृजना वलि, उनकै ८ महिनाको छोरा दर्शन वाली , सोही ठाउँ बस्ने कल्पना वलि घाइते भएका छन् । घटना सम्बन्धमा थप अनुसन्धान भइरहेको प्रहरीले जनाएको छ।

फाईल तस्विर