तुलसीपुर: दाङको तुलसीपुरबाट सल्यानको जयचौर जाँदै गरेको ना ६ ख ५४६३ नम्बरको बस दुर्घटना भएको छ । कपुरकोट गाउँपालिका ३ मूलपानी नजिकै केही समयअघि भएको दुर्घटनाको के कति क्षति भएको हो भन्ने विवरण आएको छैन । अहिलेसम्म बसमा १६ जना घाइतेको उद्धार भएको जिल्ला प्रहरी कार्यालय सल्यानले जनाएको छ । प्रहरी र स्थानीयले अहिले उदार गरिरहेका छन् ।

घटनास्थल रहेका पत्रकार विमल डाँगीका अनुसार घटनामा दुई महिलाको मृत्यु भएको छ । दुर्घटनामा परि घटना स्थलमै मृत्यु हुनेहरुमा दाङ तुलसीपुर उपमहानगरपालिका ६ कि सुमित्रा सुनार र सल्यान त्रिवेणि गाउपालिका ६ बस्ने अनिता बोहरा रहेको जिल्ला प्रहरी कार्यालय सल्यानले जनाएको छ । ६ जना गम्भीर घाइतेलाई अस्पताल पठाइएको छ, अन्यको उद्धार चलिरहेको छ ।