कोहलपुर,बाँके:मिस्टर्स एण्ड मिस कोहलपुर २०८० प्रतियोगिताको दोस्रो चरणको छनौट प्रक्रिया असोज २७ गते शनिवार हुँने भएको छ। युवा युवतीको क्षमता,नेतृत्व तथा व्यक्तित्व विकासमा मद्धत पुर्याउने उद्देश्यले आयोजना गरिएको मिस्टर्स एण्ड मिस प्रतियोगिता कोहलपुर २०८० को दोस्रो चरणको छनौट प्रतियोगिताको लागि आबेदन खुलेको आयोजकल जनाएको छ। शारदा ईभेन्ट्सको आयोजनामा गरिएको यो प्रतियोगिता पश्चिम नेपालको सबैभन्दा ठुलो धनराशी र अवसर भएको सौन्दर्य प्रतियोगिता रहेको छ ।

प्रतियोगितामा १५ देखि २५ वर्ष उमेर समूहका युवा युवती सहभागी हुन सक्नेछन् । प्रतियोगिता बिजेता प्रतियोगीलाई नगद सहित शैक्षिक छात्रवृती समेत प्रदान गरिने इभेन्टका निर्देशक रोनिश गौतमले बताए । प्रतियोगितामा सहभागी प्रतियोगीहरु भौतिक तथा शारिरीक सुरक्षाको पूर्ण रुपमा संवेदनशीलता अपनाएर प्रतियोगिताको आयोजना गरिएको आयोजकले दावि गरेको छ ।