तोकेको ठाउँमा मात्र ठेला गाडा लगाउन दिनेगरि नियम बनाइएको नगर उपप्रमुख कमरुद्धिन राईले बताए । उपप्रमुख राईले भने, ‘चोक बजारभित्रका ठेला साँझ ५ बजेपछि मात्र लगाउन पाउने र विहान ९ बजेभित्र खाली गरिसक्नुपर्ने नियम बनाएर नगर प्रहरीलाई निर्देशन दिइएको छ ।’

यसैगरी सामान ढुवानीमा प्रयोग हुने बग्गी पसल अगाडि राख्न नदिइने भएको छ । नगरपालिकाले वडा १ देखि २० सम्मका फुटपाथ हटाउन समेत नगर प्रहरी परिचालन गरेको छ । यसैगरी सडकपेटीमा राखेका घर निर्माणका सामग्री ३ दिनभित्र व्यवस्थापन गर्न प्रहरीले आग्रह गरेको छ ।

जिल्ला प्रहरी कार्यालय बाँके, जिल्ला ट्राफिक प्रहरी कार्यालय बाँके र वडा प्रहरी कार्यालय नेपालगञ्जको समन्वयमा त्रिभुवन चोकदेखि त्रिवेणी मोडसम्म तथा गणेशमान चोकदेखि चारबाहिनी रोडसम्म एकतर्फी कायम गरिएको छ ।