खजुरा,बाँके :बाँकेको खजुरा ४ एफगाउँमा रहेको किरण भवानी मन्दिरमा आज (बुधबार) देखि धार्मिक महोत्सव हुने भएको छ ।कात्तिक १५ देखि २२ गतेसम्म आयोजना हुने धार्मिक महामहोत्सवको उद्घाटन बिहान ९ बजे मन्दिर परिसरबाट बिशाल कलशयात्रा सहित गरिने महोत्सव समितिका अध्यक्ष खड्क वलीले जानकारी दिए ।

सदिऔं पुरानो मन्दिरको ब्यवस्थापनका लागि बाँके, खजुरा धार्मिक महा महोत्सवको आयोजना गर्न लागिएको हो । यसअघि भदौं ३० गतेदेखि असोज ६ गतेसम्म आयोजना गर्ने भनिएको महोत्सव बर्षातका कारण स्थगित भएको थियो ।

करिब एक विघा क्षेत्रफलमा रहेको मन्दिरलाई धार्मिक पर्यटकीय क्षेत्रको रुपमा विकास गर्ने समितिको योजना रहेको छ । धार्मिक महोत्सवमा बाँके बर्दिया र भारत सम्मका श्रद्धालुहरु आउने समितीले विश्वास ब्यक्त गरेको छ । चारैतिरबाट सनातन हिन्दु धर्ममाथि प्रहार भईरहेको सन्धर्वमा धार्मिक महोत्सवले हिन्दुहरुमा जागरन ल्याउनको साथै स्वधर्मको रक्षा र अपनत्वको भाव सिर्जना हुने आयोजकको दावि रहेको छ ।