कोहलपुर,बाँके: बाँकेको कोहलपुरमा ट्रकको ठक्करबाट एक जनाको मृत्यु भएको छभने दुर्घटनामा पारी एक जना सख्त घाइते भएका छन्।ट्रकको ठक्करबाट कोहलपुर नगरपालिका वडा नम्बर १० चटार बस्ने वर्ष ३५ को तिर्थाराम थारुको मृत्यु भएको हो।

कोहलपुर ९ भनानिपुर चोकबाट कोहलपुर तर्फ आउदै गरेको साइकललाइ नेपालगञ्ज बाट कोहल्पुर तर्फ आउदै गरेको ना ६खा ८८९८ नम्बरको ट्रकले हिजो राती १० ३० बजे ठक्कर दिएको थियो । ठक्करबाट साइकल चालक थारुलाई उपचारका लागि मेडिकल कलेज कोहलपुरमा ल्याउने क्रममा बाटोमै मृत्यु भएको प्रहरीले जानकारी दिएको छ।

यस्तै सोही दुर्घटनामा परी ट्रकका सहचालक गम्भीर घाइते भई कोहलपुर १४ कौशल्या मेमोरियल अस्पतालमा उपचार भइरहेको छ । ट्रक चालक फरार रहेको र उनको खोजी कार्य भइरहेको ईलाका प्रहरी कार्यालय कोहलपुरले जनाएको छ।