कोहलपुर,बाँके: सुर्खेत भेरिगंगा नगरपालिका वडा नम्बर ५ बबई नजिकै बिहिवार करिब सवा ४ बजे सुर्खेतबाट नेपालगन्ज आउदै गरेको भे १ ख ३६३० नम्बरको फोर्स गाडी बाटोमा अनियन्त्रित भई पल्टिदा गाडीमा सवार एक जनाको मृत्यु भएको छ भने चालक सहित २५ जना यात्रु घाईते भएका छन ।

मृत्यु हुनेमा बारबर्दिय नगरपालिका ११ विजयनगर बस्ने वर्ष २३ का रोशन चौधरी रहेको प्रहरीले बताएको छ । घाइतेहरुलाई उपचारको लागि शिक्षण अस्पताल कोहलपुर ल्याईएको छ ।

सो गाडिमा सवार ३ जना सख्त घाईते रहेको जनाईएको छ । यसरी सख्त घाईते हुनेहरुमा बारबर्दिया ११ का रुन्छे थारु , समीर थारु र राज कुमार थारु रहेका छन ।