नेपालगन्ज : कोहलपुर सडक खण्ड अन्तर्गत कोहलपुर ८ राम नगर नजिकै ट्रकको ठक्करबाट एक पैदल यात्रुको मृत्यु भएको छ।ट्रकको ठक्करबाट कोहलपुर नगरपालिका वडा नम्बर १३ सीमरी बस्ने वर्ष ६० को रामदिन थारुको मृत्यु भएको प्रहरीले जनाएको छ।

नेपालगन्जबाट डोल्पा जाँदै गरेको चामल बोकेको मालबाहक भे १ ख ४१४६ नम्बरको ट्रकले ठक्कर दिँदा रामदिन थारु गम्भीर घाइते भएका थिए ।घाइते थारुलाई उपचारका लागि नेपालगञ्ज मेडिकल कलेज कोहलपुरमा ल्याइएकोमा उपचारको क्रममा मृत्यु भएको हो ।