कोहलपुर : एक साता चलेका गतिविधि शनिबार एक कार्यक्रमका बिच जेसीज सप्ताह २०२४ सम्पन्न भएको छ।कोहलपुर नगरपालिकाकि उपप्रमुख संगिता सुबेदीको प्रमुख आतिथ्यतामा जेसीज सप्ताहको समापन भएको थियो ।
जेसीज सप्ताह २०२४को अवसरमा ट्राफिक सचेतना र स्लो बाइक रेस प्रतियोगिता, स्वास्थ्य परीक्षण, किशोरी आत्मरक्षा तालिम एवं व्यक्ति तथा नेतृत्व विकासका तालिम लगायतका कार्यक्रमहरू सञ्चालन गरिएको कोहलपुर जेसीज २०२४ का अध्यक्ष राजकुमार पौडेलले जनाएका छन ।

‘विगत जस्तै यसवर्ष पनि जेसीज सप्ताह भव्यरूपमा सम्पन्न भएको पौडेलले बताए।

शनिबार भएको समापन कार्यक्रममा सहयोग गर्ने विभिन्न संघ संस्थाहरूलाई प्रमाणपत्र दिइएको थियो ।
कार्यक्रमकै अवसरमा सप्ताहका अवसरमा भएका विभिन्न कार्यक्रमका बिजेताहरूलाई पुरस्कार र प्रमाणपत्र बितरण गरिएको थियो ।