नेपाल प्रिमियर लिग ९एनपीएल०मा जनकपुर बोल्टस्का ललित राजवंशी सबैभन्दा बढी विकेट लिने खेलाडीको सूचीमा चढेका छन् । बिहीबार भइरहेको एनपीएलको दोस्रो क्वालिफायरमा कर्णालीविरुद्ध २ विकेट लिएपछि राजवंशी सुदूरपश्चिमका स्कट क्रिस्टोफर कुगलेइनसँगै सर्वाधिक विकेट लिने खेलाडी बनेका हुन् । दुवैले समान १६र१६ विकेट लिएका छन् कुगलेइनले ८ खेलमा १६७ रन दिँदा ६।४६ को इकोनोमीमा १६ लिएका छन् । ललितले ९ खेलमा १९८ रन दिँदा ५।५० को औसतमा १६ विकेट नै लिएका छन् । बढी रन दिएको आधारमा सूचीमा ललित दोस्रो स्थानमा छन् । ललितले सर्वाधिक ४ मेडन राखेका छन् ।
कर्णालीलाई हराएर फाइनल पुगे सबैभन्दा बढी विकेटको टुंगो अन्तिम खेलबाट लाग्नेछ । जनपकुरलाई नै पराजित गर्दै सुदूरपश्चिम रोयल्स बुधबार फाइनलमा पुगेको थियो । फाइनल शनिबार हुनेछ । बढी विकेट लिनेमा अन्य खेलाडीमा चितवनका सोहेल तनवीर १४, रिजन ढकाल १३, करण केसी १२ विकेटका साथ क्रमशः छन् ।
