विभागीय टोली एपीएफले अपराजित रहँदै एन्फा महिला लिग फुटबलको उपाधि जितेको छ । पहिलो पटक लिग, सुपर लिग हुँदै प्लेअफ फम्र्याटमा खेलाइएको महिला लिगको विभागीय डर्बी फाइनलमा बुधबार नेपाल पुलिस क्लबलाई ४–० ले पराजित गर्दै एपीएफ बनेको हो ।
त्रिपुरेश्वरस्थित दशरथ रंगशालामा भएको फाइनलमा एपीएफका लागि सविता राना मगरले दुई तथा सरु लिम्बू र अनु लामाले एक–एक गोल गरे । एपीएफ र पुलिस दुवैले क्वालिफायरमा अर्को विभागीय टोली त्रिभुवन आर्मी क्लबलाई हराएर फाइनल पुगेको थियो । जहाँ एपीएफले आफ्नो च्याम्पियन छवि कायम राख्दै अपराजित रहेर लगातार चौथो पटक लिग जितेको हो । लिगभर उत्कृष्ट प्रदर्शन गर्दै आएको एपीएफलाई पुलिसले पहिलो हाफमा गोलरहित बराबरूिमा रोकेपनि दोस्रो हाफमा भने एपीएफले ३ गोल गर्यो । पहिलो हाफमा एपीएफले पुलिसमाथि दबाब बनाउँदै गोल गर्ने केही अवसर बनाएपनि फिनिसिङ राम्रो हुन सकेन ।
३० मिनेटमा अनिता केसीले करिब १५ यार्डबाट हानेको हाफ भलिल पुलिसकी गोलकिपर उषा नाथले बचाइन् । ३२ औं मिनेटमा एपीएफले पुलिसको पनाल्टी बकस बाहिर फ्रिकिक पाएको थियो । त्यसमा कप्तान अनिता बस्नेतले हानेको प्रहार बारमाथिबाट बाहिरियो ।
पुलिसले भने पहिलो हाफमा एपीएफको पोष्टमै बल पुर्याउन संघर्ष गर्नुपरेको थियो । दोस्रो हाफमा पनि एपीएफले सुरुवात देखि नै पुलिसमाथि दबाब बनाएको थियो । ६४औं मिनेटमा सविता राना मगरले गोल गर्दै एपीएफलाई अग्रता दिलाईन् । उनले सरु लिम्बुले बायाँ साईडबाट दिएको क्रसमा गोल गरेकी हुन् ।
६९ औं मिनेटमा सरु लिम्बुले गोल गर्दै एपीएफकोअग्रता दोब्बर पारिन् । सुरुमा सविता राना मगरले हानेको प्रहार पोष्टमा लागेर फर्केपछि रिबाउण्डमा सरुले गोल गरेकी हुन् । ८३ सविताले व्यक्तिगत दोस्रो गोल गर्दै एपीएफको अग्रता ३–० बनाइन् ।
यस सिजन महिला लिग एपीएफ र पुलिसबीच चौथो भेट हुँदा एपीएफ अपराजित रह्यो । एन्फा महिला लिगमा समग्रमा एपीएफ र पुलिस चौथो पटक खेलेका हुन् । जसमा पुलिस तीन खेफमा पराजित भयो भने एक खेल बराबरीमा सकिएको थियो ।
पहिलो चरणमा पुलिसले एपीएफलाई गोलरहित बराबरीमा रोकेको थियो । तर सुपर लिगको दुवै खेलमा एपीएफ विजयी भएको थियो । सुपर लिगको पहिलो खेलमा एपीएफले पुलिसलाई ६–० को फराकिलो अन्तरले पराजित गरेको थियो । अर्को खेलमा एपीएफले पुलिसलाई २–० ले पराजित गरेको थियो ।
सुपर लिगमा एपीएफको नतिजा
सुपर लिगमा एपीएफले उत्कृष्ट प्रदर्शन गर्दै सबै ८ खेल जितेको थियो । शीर्ष स्थानमा रहेको एपीएफले क्वालिफायर वानमा आर्मीलाई हराएर सिधै फाइनलमा प्रवेश गरेको हो । एपीएफले सुपर लिग र प्लेअफमा गरी ९ खेल खेल्दा सबैमा जित हात पारेको थियो । जसमा एपीएफले कूल ४५ गोल गर्दा जम्मा ४ गोल मात्र व्यहोरेको थियो ।
एपीएफको नतिजा
एपीएफ ५–१ बागमती
एपीएफ ९–० वालिङ
एपीएफ ६–० पुलिस
एपीएफ ३–१ आर्मी
बागमती ०–६ एपीएफ
वालिङ ०–१० एपीएफ
पुलिस ०–२ एपीएफ
आर्मी १–२ एपीएफ
क्वालिफायर वान
एपीएफ २–१ आर्मी
फाइनल
एपीएफ ४ –० पुलिस
