पोखरा – पोखरामा जारी राष्ट्रिय युवा संघ नेपालको दशौं महाधिवेशनमा अध्यक्ष क्षितिज थेबे र महासचिव सुमन पुरीले महाधिवेशनस्थलमा छुट्टाछुट्टै शक्ति प्रदर्शन गरेका छन् ।
महाधिवेशनस्थलमा थेबेका समर्थकले उनलाई अध्यक्ष बनाउनुपर्ने माग गर्दै नाराबाजी गरेका थिए । त्यसलगत्तै पुरी समर्थकको नाराबाजीका साथ महाधिवेशनस्थलमा प्रवेश गरेका थिए ।
स्रोतका अनुसार एमाले अध्यक्ष एवं प्रधानमन्त्री केपी शर्मा ओलीले थेबेलाई अध्यक्ष दोहोर्याउन अध्यक्षमण्डललाई निर्देशन दिइसकेका छन्, तर महासचिव पुरी यस पटक अध्यक्ष नछाड्ने अडानमा छन् ।
