पाल्पा   :  पाल्पा पुर्वि पाल्पाको जेठो विद्यालय रामतुलसी नमुना माध्यामिक विद्यालय पाल्पाले अन्तराष्ट्रिय गुणस्तर चिन्ह आइएसओ लागो प्राप्त गरेको छ । विद्यालयले अन्तराष्ट्रिय गुणस्तर चिन्ह आइएसओ लागो प्राप्त गर्नै २५ प्रतिशत विभिन्न मापदण्ड पुरा गरेपछि लोगो प्राप्त गरेको हो । विद्यालय व्यवस्थापन समितीका अध्यक्ष विशाल श्रेष्ठको अध्यक्षतामा भएको कार्यक्रममा मुख्यपाहुना लुम्बिनी प्रदेशसभा सदस्य,अर्थ उद्योग तथा पर्यटन विकास समिती सभापति राजुप्रसाद श्रेष्ठले कार्यक्रमको उद्घाटन गर्नु हुदै ढुङगे चौतारीको बसाईबाट शुरु भएको विद्यालय, खरको छाना, जस्ताको छाना , पक्कि भवन हुदै अहिले अन्तराष्ट्रिय चिन्ह प्राप्त गर्ने स्थान सम्म आइपुग्नु गौरवको कुरा भएको बताउनु भयो । कार्यक्रममा प्रमुख अतिथी श्रेष्ठले विद्यालयलाइ गुणस्तरीय बनाउन नङ र मासुको जस्तो सम्बन्ध हुनु पर्ने बताउनु भयो। वहाले प्रदेश बाट विद्यालयको लािग सक्दो सहयोग गर्ने पनि बताउनु भयो ।

कार्यक्रममा विद्यालयका प्रधानाध्यापक बालकृष्ण लम्सालले गरिरहेकै कामलाई व्यवश्थित बनाउदै लैजान थालेपनि लोगो प्राप्त गर्नका लागी मापदण्ड पुरा गर्नेतर्फ विद्यालय लागेको बताउनुभयो । कार्यक्रममा विद्यालयका वि व्य समितिका अध्यक्ष विशाल श्रेष्ठले एक वर्षमा समयमा मापदण्ड पुरा गर्नु पर्ने मा तोकिएकै समयमा मापदण्ड पुरा गर्नेप्रतिबद्धता गर्नु भयो । कार्यक्रममा लुम्बिनी प्रदेश सभाका पूर्व सदस्य तथा पूर्व विद्यार्थी युवराज खनाल, रामपुर नगरपालिका वडानम्बर ५ का अध्यक्ष दुर्गाप्रसाद पोख्रेल, आधारभुत माध्यामिक विद्यालय व्यवस्थापन समिती अध्यक्ष कमलराज भट्टराई, दरैठाटी माध्यामिक विद्यालयका प्रधानाध्यापक सुन्दरप्रसाद देवकोटा, अभिभावक चिरिन्जीवी सिग्देल ,नेपाल पत्रकार महासंघ पाल्पाका उपाध्यक्ष बन्दना पोख्रेल, विद्यार्थी करिना कार्की लगायतले शुभकामना व्यक्त गर्नुभएको थियो ।कार्यक्रममा ग्लोबल क्वालिटी काउन्सिल नेपालका फोकल पर्सन सुदिप शर्माले विद्यालय परिवारलाई औपचारिक रुपमा लोगो हस्तान्तरण गर्नुभएको हो । शिक्षक लेखनाथ शर्मा मरासिनीले संचालन गर्नुभएको कार्यक्रममा विद्यार्थीहरुले रमाइलो नृत्य प्रस्तुत गरेका थिए ।