कोहलपुर \ गङ्गा कुमारी बगाले कोहलपुरकी एक उद्यमी महिला हुन्, जसले घर-परिवारको जिम्मेवारीबाट आफ्नो यात्रा सुरु गर्दै व्यावसायिक क्षेत्रमा मात्र होइन, राजनीतिक मञ्चमा पनि आफ्नो उल्लेखनीय उपस्थिति जनाउन सफल भएकी छिन्। २०५९ सालमा कोहलपुरको बिधुत रोडमा एउटा घुम्ती पसलबाट तरकारी व्यापार थालेकी बगालेले, करिब दुई दशकको मेहनतपछि, व्यवसाय र समाजसेवामा आफ्नो विशेष पहिचान बनाएकी छिन्।

तरकारी व्यवसायको सानो शुरुआत गर्दै उनले २०६५ सालमा कोहलपुरको पिपरचौतारामा “प्रीति इम्पेक्स” कपडा पसल सुरु गरिन्। यो पसलको सफलतापछि, उनले २०७८ सालदेखि आफ्नै घरमा “प्रीति होम डेकोर एण्ड सप्लायर्स” सञ्चालन गर्दै आएकी छिन्। गृहिणीका रूपमा जिम्मेवारी सम्हाल्दै, व्यापारिक क्षेत्रमा आफ्नो उल्लेखनीय पहिचान बनाउने उनको यो यात्रा प्रेरणादायी छ।

व्यापारमा सफलतासँगै, गङ्गा कुमारी बगाले समाजसेवामा पनि आफ्नो सक्रियता देखाइरहेकी छिन्। उनी नेकपा एमालेसँग सम्बद्ध भातृ संगठन अखिल नेपाल महिला संघ ९अनेम संघ० कोहलपुर नगरपालिका वडा नम्बर ५ की वडा अध्यक्ष हुन्। त्यसैगरी, उनी नेकपा एमालेको पार्टी उपाध्यक्षको भूमिकामा पनि सक्रिय छिन्। राजनीति र समाजसेवामा उनको योगदान उल्लेखनीय छ, जहाँ उनले महिलाका हक(अधिकार र समाजसेवामा महत्वपूर्ण कामहरू गरिरहेकी छिन्।

गङ्गा कुमारी बगालेको यात्रा भनेको केवल व्यापारिक सफलता मात्र नभएर सामाजिक र राजनीतिक उत्तरदायित्व निर्वाह गर्नुपर्छ भन्ने सन्देश पनि हो। उनीजस्ता महिलाहरूले गृहिणी जीवनबाट बाहिर निस्केर आर्थिक र सामाजिक रूपमा आत्मनिर्भर बन्दै गर्दा, अरु महिलालाई पनि हौसला दिइरहेका छन्।

व्यावसायिक एकता र महिला उद्यमीको सशक्तिकरणलाई मुख्य लक्ष्य बनाएर गङ्गा कुमारी बगालेले आगामी कार्तिक ३ गते हुने कोहलपुर उद्योग वाणिज्य संघको निर्वाचनमा आफूलाई कोषाध्यक्ष पदका लागि उम्मेदवारी दिएकी छिन्। अन्जना धिताल नेतृत्वको प्रगतिशील प्यानलबाट उठेकी बगाले, व्यावसायिक संरक्षण र अधिकारको सुनिश्चितता प्रमुख नारा लिएर चुनावी मैदानमा होमिएकी हुन्।

उनको मुख्य उद्देश्य भनेको व्यापार संघको हिसाब(किताबलाई पारदर्शी र व्यवस्थित बनाउनु हो। “यदि म कोषाध्यक्ष पदमा निर्वाचित भएँ भने, म व्यापारिक गतिविधिहरूको लेखा(जोखा व्यवस्थित गरी, व्यवसायिक सरोकारका मुद्दाहरूलाई अझ प्रभावकारी रूपमा सम्बोधन गर्नेछु,” उनी भन्छिन्। साथै, उनले महिला उद्यमीहरूको सशक्तिकरणलाई पनि आफ्नो प्राथमिकता बनाउने बताएकी छिन्।

महिला उद्यमीहरूको लागि व्यवसायिक अवसरको पहुँचलाई बढावा दिन र आर्थिक स्वतन्त्रताको सुनिश्चितता गर्न गङ्गा कुमारी बगालेले आफ्नो अनुभव र ज्ञानलाई राजनीतिक र सामाजिक परिदृश्यमा प्रयोग गरिरहेकी छिन्।

उनले व्यापारिक क्षेत्रमा जस्तो सफलता हासिल गरिन्, त्यस्तै राजनीतिमा पनि आफ्नो ठाउँ बनाउने अठोटमा छिन्। महिलाहरूको हक(अधिकार र व्यवसायिक क्षेत्रमा महिलाहरूको भूमिका सशक्त बनाउन उनले उठाएको मुद्दा र प्रतिबद्धता यथार्थपरक र समयसापेक्ष छ। गङ्गा कुमारी बगाले जस्ता महिलाहरूले राजनीति, व्यापार, र समाजसेवामा जति योगदान दिन्छन्, त्यो हाम्रो समाजका लागि प्रेरणादायी छ।

व्यवसायिक अधिकारका लागि संघर्षरत महिलाहरूको प्रतिनिधित्व

गङ्गा कुमारी बगाले जस्ता महिलाहरूले गृहिणी जीवनबाट व्यावसायिक सफलता र सामाजिक उत्तरदायित्वको यात्रा पार गर्दै, आफ्नो पहिचान बनाउन सफल भएका छन्। उनीजस्ता उद्यमी महिला, जो घर(परिवार सम्हाल्दै व्यवसायिक क्षेत्रमा उत्कृष्टता हासिल गरिरहेका छन्, अरु महिलाका लागि पनि प्रेरणाको स्रोत बनेका छन्।

आसन्न निर्वाचनमा गङ्गा कुमारी बगालेजस्ता प्रतिनिधिहरूले उठाएको मुद्दा व्यवसायिक एकता, पारदर्शिता र महिला उद्यमीको सशक्तिकरण हो, जसले भविष्यमा व्यवसायिक समुदायलाई सकारात्मक दिशा प्रदान गर्नेछ।