बाँके क्षेत्र नं. १ का उम्मेदवार सूर्य ढकालले कोहलपुर नगरपालिका वडा नं. ५ र ६ मा घरदैलो कार्यक्रम गर्नु भएको छ । घरदैलो कार्यक्रममा स्थानियहरुको उत्साहपुर्ण सहभागिता रहेको थियो । अभियानका क्रममा स्थानीय बासिन्दाहरूले ढकालप्रति खुलेर समर्थन जनाउँदै आगामी निर्वाचनमा भारी मतान्तरले विजयी गराउने प्रतिबद्धता व्यक्त गरेका छन्।

घरदैलोका क्रममा नागरिकहरूले विगतमा दिएको मत खेर नजाने गरी जनताको पक्षमा काम गरेको भन्दै ढकाललाई पुनः आफ्नो प्रतिनिधिको रूपमा पठाउने बताएका छन्। इमानदार, निडर र विकासप्रति प्रतिबद्ध नेता का रूपमा स्थापित ढकालप्रति जनविश्वास अझ सुदृढ भएको स्थानीयहरूको भनाइ छ।

वडा नं. ५ का वडा अध्यक्ष दिपेन्द्र श्रेष्ठसहित स्थानीय नेता तथा कार्यकर्ताहरूको बाक्लो सहभागिताले कार्यक्रमलाई थप उत्साहपूर्ण बनाएको थियो। वडा न ५ मा नेकपा एमाले निकट वडा अध्यक्षले जिते पछि यहाँ बिकासमा कायपलट नै भएको स्थानियहरुको भनाइ रहेको छ । सहभागीहरूले क्षेत्र नं. १ मा एमालेको जित सुनिश्चित भएको दाबी गरेको छन्।

उक्त अवसरमा ढकालले जनताको अपार माया, विश्वास र साथले आफू थप जिम्मेवार बनेको उल्लेख गर्दै विकास, सुशासन र समृद्धिको यात्रालाई तीव्रता दिने प्रतिबद्धता जनाएका छन्। उहाले बाके क्षेत्र नं. १ लाई नमूना क्षेत्रका रूपमा स्थापित गर्ने अठोट व्यक्त गर्दै जनताको साथ, एमालेको जित भन्ने नारालाई व्यवहारमै उतार्ने बताएका छन्। वडा न ५ एमालेको किल्लाको रुपमा रहेको छ ।