नेपालगञ्ज: काठमाडौं,बारा,दैलेख र मोरङमा भएको सवारी दुर्घटनामा परी पाँच जनाको मृत्यु भएको छ । काठमाडौंको शंखरापुर नगरपालिका–१ देउराली भञ्ज्याङमा प्र.३–०१–००६ ख ३४७४ नम्बरको टिपरको ठक्करबाट पैदल यात्रीको मृत्यु भएको छ ।
बाराको कलैया उपमहानगरपालिका–२७ मौजेरामपुरमा ना.२८ प.७७६८ र ना.३४ प ७९२२ नम्बरको दुईवटा मोटरसाइकल ठोक्किँदा एक जनाको मृत्यु भएको छ । मृत्यु हुनेमा ना.३४ प ७९२२ नम्बरको मोटरसाइकलमा सवार करैयामाई गाउँपालिका–१ बस्ने २२ वर्षीय तबरेज आलम रहेका छन् ।
मोरङको पथरी शनिश्चरे नगरपालिका–२ स्थित सडकमा प्रदेश १ –०२–०४७ प ००१५ नम्बरको मोटरसाइकलको ठक्करबाट पैदल यात्रीको मृत्यु भएको छ । मृत्यु हुनेमा सोही ठाउँ बस्ने ५० वर्षीया बिमला खड्का रहेकी छन् ।
यसैगरी मोरङको सुन्दरहरैचा नगरपालिका–११ स्थित सडकमा को.३३ प ४२४१ नम्बरको मोटरसाईकल मंगलबार साँझ दुर्घटना हुँदा एक जनाको मृत्यु भएको छ । मृत्यु हुनेमा मोटरसाइकलमा सवार ३० वर्षीया देव कुमारी श्रेष्ठ रहेकी छन् ।
