दाङ : दाङमा श्रीमतीको बन्चरो प्रहारबाट श्रीमानको मृत्यु भएको छ । दाङको बंगलाचुली गाउँपालिका वडा न १ स्युजामा बिहीबार बिहान ९ बजे ५५ वर्षीया श्रीमती केशरादेवी दमाइको बन्चरो प्रहारबाट ६२ वर्षीय श्रीमान् रेशम दमाइको मृत्यु भएको जिल्ला प्रहरी कार्यालय दाङका प्रहरी नायव उपरीक्षक राजनकुमार गौतमले जानकारी दिए ।

गौतमका अनुसार घरायसी विवादका कारण श्रीमतीले टाउकोमा बन्चरोले प्रहार गर्दा श्रीमानको घटनास्थलमै मृत्यु भएको हो । बन्चरो प्रहार गर्ने श्रीमतीलाई प्रहरीले नियन्त्रणमा लिएको जिल्ला प्रहरी कार्यालय दाङले जनाएको छ ।