काठमाण्डाै : वैदेशिक रोजगार विभाग अन्तर्गतको ईपीएस कोरिया शाखाले लिएको उत्पादनमूलकतर्फ पहिलो चरणको भाषा परीक्षामा छ हजार तीन सय २१ जना परीक्षार्थी पास भएका छन् ।
गएकाे फागुन ७ गतेदेखि चैत २४ गतेसम्म भएको भाषा परीक्षामा सहभागी ४० हजार पाँच सय ८० जनामध्ये छ हजार तीन सय २१ जना परीक्षार्थी पास भएका हुन् ।
अब सीप परीक्षणमा पास भएपछि उनीहरू कोरिया जान पाउने श्रमिकको सूचीमा सूचीकृत हुनेछन् । सीप परीक्षण आउँदो वैशाख ९ गतेदेखि वैशाख १५ गतेसम्म हुने ईपीएस कोरिया शाखाले जनाएको छ ।
