कोहलपुर : ब्रह्माकुमारी ईश्वरिय बिश्व बिधालय एवं राजयोग प्रशिक्षण केन्द्र कोहलपुरद्वारा आज हाम्रो पूर्णिमा साहित्य प्रतिष्ठान कोहलपुरको नया कार्यसमितिलाई स्वागत एव बधाई ज्ञापन कार्यक्रम सम्पन्न भएको छ।
ब्रह्माकुमारी ईश्वरीय विश्व विद्यालय एवं राजयाेग प्रशिक्षण केन्द्र नेपाल ,काेहलपुरकाे आयाेजनामा स्वागत सम्मान एवं स्नेह मिलन कार्यक्रम गरिएको थियो।
संस्थाका केन्द्रीय उपाध्यक्ष एवं क्षेत्रीय प्रमुख राजयाेगिनीनी ब्रह्माकुमारी दुर्गा दिदीकाे अध्यक्षता एवं नेपाल प्रज्ञा प्रतिष्ठानका प्राज्ञ सदस्य हरि तिमिल्सिनाकाे प्रमुख आतिथ्यतामा भएको कार्यक्रममा भेरी साहित्य समाज केन्द्रीय समितिका अध्यक्ष ईन्द्र बहादुर बस्नेत, साहित्यकार सल्लाहकार सागर गैरे, दामोदर पाैडेल, हुकुम धड्कन लगायतको सहभागिता रहेको थियो।

कार्यक्रमका प्रमुख अतिथि प्राज्ञ हरि तिमिल्सिनाले ध्यान याेगमा सहभागी हुदा हामी भित्र सकारात्मक उर्जा प्राप्त हुने, नवीन सिर्जना र नकारात्मक भावनाहरु परिवर्तन हुने बताए । संस्थाले हरेक क्षेत्रमा रहनुभएका व्यक्तिहरुलाई आध्यात्मिकतातिर जाेडेकाे मानसिक रुपमा शक्तिशाली बनाएको पाइएको सहभागीले जनाए।
संस्थाका राजयाेगिनी ब्रह्माकुमारी दुर्गा दिदीले सबैलाई आध्यात्मिकता र यसबाट जीवनमा हुने नसाेचेकाे गहिरो अनुभव सहितकाे परिवर्तनको खाेज अनुसन्धान गर्न सबैलाई आव्हान समेत गरेकी थिईन् ।
हाम्रो पूर्णिमा साहित्य प्रतिष्ठान कोहलपुरका अध्यक्ष पुस्करनाथ रिजालले साहित्यिक स्रष्टाहरूकाे माया र हाैसलाले थप जिम्मेवारी बढेको बताउदै आभार प्रकट गरेका थिए।