कोहलपुर  : आजदेखि आश्विन कृष्ण प्रतिपदादेखि सुरु हुने सोह्र श्राद्ध अर्थात् पितृ पक्ष विधिवत् रुपमा आरम्भ भएको छ। नेपाल पञ्चाङ्ग निर्णायक विकास समितिका सदस्य धर्मशास्त्रविद् प्राडा देवमणि भट्टराईका अनुसार प्रतिपदा तिथिमा श्राद्ध अपराह्नकालमा गर्नुपर्ने हुन्छ। आश्विन कृष्ण प्रतिपदादेखि शुक्ल प्रतिपदासम्मका तिथिहरूमा दिवङ्गत पितृहरूको सम्मानमा तर्पण, सिदादान र पिण्डदान गरिने भएकाले यसलाई सोह्र श्राद्ध भनिन्छ।

सोह्र श्राद्धले पितृप्रतिको दायित्व पूरा गर्नाका साथै पितृऋणबाट मुक्त हुने धार्मिक विश्वास छ। पितृ तृप्तिका लागि श्राद्ध नगर्दा अक्षम्य दोष लाग्छ भन्ने शास्त्रीय मान्यता रहेको छ। यदि सोह्र श्राद्ध रोकिँदा कारणवश गर्न नसकिएमा विभिन्न विकल्पहरू पनि उपलब्ध छन्, जसमा कार्तिककृष्ण औँसीदेखि अन्य शुभ तिथिहरूसम्म श्राद्ध गर्न सकिन्छ।

धर्मशास्त्रअनुसार पितृ पक्षको समाप्तिसँगै बडादसैँ सुरु हुने भएकाले ठूला पर्व मनाउनुअघि पितृतृप्तिको कर्म गर्नुपर्ने वैदिक परम्परा छ।