कोहलपुर : हाम्रो पूर्णिमा साहित्य प्रतिष्ठान कोहलपुरको आयोजनामा क्याफे कबिता कार्यक्रमको पहिलो श्रृङ्गखला आज कोहलपुरमा सप्पन्न भएको छ। पहिलो क्याफे कबिता श्रृङ्गखलामा कविद्वय दोस्तराज महेश र प्रतिभा प्रक्षिप्तले कविता बाचन गरेका थिए। उक्त कार्यक्रममा साहित्यकार महानन्द ढकाल, उपन्यासकार किरण आचार्य, कथाकार एवं भेरी साहित्य समाजका अध्यक्ष इन्द्र बस्नेत, खोपिराम वलि, सागर गैरे, नमिता बराल , हिरामणि ढकाल लगायत चार दर्जन बढी साहित्यकारहरूको उपस्थिति रहेको थियो । प्रतिष्ठानका अध्यक्ष पुष्कर रिजालको अध्यक्षतामा सम्पन्न कार्यक्रमको सञ्चालन प्रतिष्ठानका सचिव केशव निमेष र स्वागत प्रकाश मरासिनीले गरेका थिए।