ठूलो आवाज निकालेर ध्वनि प्रदूषण गर्ने मोटरसाइकलमाथि बाँके ट्राफिक प्रहरीले कडाइ गरेको छ। साइलेंसर परिमार्जन गरी अनावश्यक रूपमा आवाज गर्ने मोटरसाइकलहरू धमाधम नियन्त्रण गरिएको जिल्ला ट्राफिक प्रहरी प्रमुख पुस्कर राज पन्तले बताउनु भयो । यस्ता मोटरसाइकलहरू नियन्त्रणमा लिएर सवारी साधन यातायात कार्यालयमा बुझाइने र त्यहाँबाट जरिवाना प्रक्रिया अघि बढ्ने जानकारी पन्तले दिनुभयो ।
पछिल्लो नेपालगन्ज कोहलपुरमा रातिको समय ठूलो आवाज निकाल्ने मोटरसाइकलले सर्वसाधारणलाई सास्ती दिएको गुनासो बढ्दै गएपछि प्रहरी एक्सनमा उत्रिएको हो । पन्तले भने अनाबश्यक ध्वनि प्रदूषण गर्ने मोटरसाइकलहश्रलाई नियन्त्रण गर्ने अभियानलाई अझ प्रभावकारी बनाइने समेतजानकारी दिए ।
