काठमाडौं: एसिया कप क्रिकेट अन्तर्गत पाकिस्तानले आज (शुक्रबार) हङकङसँग प्रतिस्पर्धा गर्दैछ । समूह ‘ए’ अन्तर्गत पाकिस्तानले आफ्नो दोस्रो खेलमा हङकङसँग प्रतिस्पर्धा गर्न लागेको हो । आजको खेलमा पाकिस्तानलाई जित निकाल्दै पर्ने दबाब छ । पाकिस्तानले आजको खेलमा पराजित भएमा प्रतियोगिताबाट नै बाहिरिने छ ।
पहिलो खेलमा पाकिस्तान भारतसँग ५ विकेटले पराजित भएको थियो । भारत भने लगातार दुई खेलमा जित निकाल्दै प्रतियोगिताको सुपर चारमा प्रवेश गरिसकेको छ । सुपर चारमा पुग्न पाकिस्तानलाई आजको खेलमा जित निकाल्नुपर्ने दबाब छ । यता हङकङ पनि आजको खेलमा जित निकाल्दै सुपर चारमा पुग्ने योजना बनाएको छ ।
