काठमाडौं : इण्डियन प्रिमियर लिग (आइपिएल)मा गुजरात टाइटन्सले पन्जाव किङ्सलाई ६ विकेटले पराजित गरेको छ।पन्जावले दिएको १५४ रनको लक्ष्य गुजरातले १९।५ ओभरमा भेट्टायो। गुजरातका लागि सुभमन गिलले ६७, रिद्धिमन शाह ३०, साही सुन्दर्शन १९ र डेभिड मिलरले १७ रन बनाए।
पन्जावका लागि अर्शद्वीप सिंह, कागिशो रबडा, हर्पित बरार र श्याम कुरनले समान एक एक विकेट लिए। टस हारेर ब्याटिङ गरेको पञ्जावले २० ओभरमा ८ विकेट गुमाउँदै १५३ रन बनाएको थियो। पन्जावका लागि मेथ्यु सर्टले ३६, जितेश शर्मा २५, सेम कुरन र शाहरुख खानले २२/२२ रन बनाएका थिए।
गुजरातका मोहित शर्माले २ विकेट लिएका थिए भने त्यस्तै महोम्मद सामी, जोश लिटल, अलजारी जोसेप र रसिद खानले समान एक एक विकेट लिए। जितसँगै ६ अंक जोडेको गुजरात तालिकाको तेस्रो स्थानमा छ भने पञ्जाब ४ अंकसहित छैटौं स्थानमा छ।
