काठमाडौं : एसीसी प्रिमियर कपमा नेपाललाई यूएईले११८ रनको लक्ष्य दिएको छ। सोमबार बाँकी रहेको खेल मंगलबार ‘रिजर्भ डे’मा भएको खेलमा नेपालले ११८लक्ष्य पाएको हो। खेलमा ललितको बलमा मिडविकेट क्षेत्रमा कुशल भुर्तेलले क्याच लिएसँगै यूएई ११७ रनमा अलआउट भएको हो।
खेल बिहान ९ बजेदेखि त्रिवि क्रिकेट मैदान कीर्तिपुरमा सुरू भएको थियो। मंगलबार सोमबारकै स्थितिबाट युएईले ब्याटिङ सुरू गरेको थियो। त्रिवि मैदानमा सोमबार टस हारेर पहिले ब्याटिङ गरेको यूएईले २७. ३ ओभरमा ९ विकेट गुमाउँदै १६ बनाएको अवस्थामा खेल वर्षाका कारणले रोकिएको थियो।
यूएईलाई पराजित गरेर नेपाल पहिलो पटक एसिया कप खेल्ने लक्ष्यमा छ। यूएई पनि नेपालसँग जित हात पारेर चौथोपटक एसिया कपमा स्थान बनाउन चाहन्छ।
सन् १९८४ मा सुरू एसिया कपको १६ औं संस्करणमा पहिलो पटक सहभागिता जनाउने लक्ष्यमा नेपाल रहेको छ। पहिलो सेमिफाइनलमा कुवेतसँगको खेल भारी वर्षाको कारण खेल रद्द भएपछि नेपाल समूह चरणमा गरेको प्रदर्शनको आधारमा फाइनलमा पुगेको हो। ओमानलाई ‘डीएल मेथडमा दुई रनले हराउँदै यूएईले फाइनलमा स्थान बनाएको हो।
