नेपालगंज :नेपालगंज उपमहानगरपालिका-१५ जमुनाहबाट अवैध लागूऔषध ब्राउनसुगर जस्तो देखिने पदार्थ २ ग्रामसहित दुई जना पक्राऊ परेका छन। डुडुवा गाउँपालिका-५ बस्ने २१ वर्षीय राज चौधरीसमेत २ जनालाई बुधबार साँझ प्रहरीले पक्राउ गरेको हो ।
ईलाका प्रहरी कार्यालय जमुनाहा र लागूऔषध नियन्त्रण ब्यूरो नेपालगंजबाट खटिएको संयुक्त टोलीले भारतबाट नेपालतर्फ आउँदै गरेको भे.११ प ७०८८ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई उक्त पदार्थसहित फेला पारी पक्राउ गरेको प्रहरीले जानकारी दिएको छ। उक्त सम्बन्धमा थप अनुसन्धान भइरहेको प्रहरीले जनाएको छ।
