नेपालगन्ज: बाँकेको राप्ती सोनारी गाउँपालिका ३ नवलपुरमा रोड पिच गर्ने क्रममा बा १ ग ३६४१ नम्बरको अलक्त्रा ताताई रहेको ट्यांकरमा सोमबार साँझ आगलागी भएको छ ।
इलाका प्रहरी कार्यालय कोहलपुरका प्रहरी नायव उपरीक्षक सुन्दर तिवारीका अनुसार नवलपुरको रोडमा पिच गर्ने क्रममा ट्यांकरमा अचानक आगलागी भएको हो । आगलागी भएको उक्त ट्यांकरलाई चालक राम बहादुर खड्काले चलाएका थिए । आगलागीपछि कोहलपुर नगरपाकिलाबाट पठाइएको दमकलले ट्यांकरको आगो ३० मिनेटपछि निभाएको प्रहरीले जनाएको छ ।
