कोहलपुर:कोहलपुर बसपार्क नजिकै एक पुरूष मृत अवस्थामा फेला परेका छन् । इलाका प्रहरी कार्यालय कोहलपुरका अनुसार अन्दाजी ६०/६५ वर्षीय पुरूष सोमबार साँझ बसपार्क नजिकै सडक छेउमा मृत अवस्थामा फेला परेका हुन् ।

मृतक कोहलपुर किरणनाला घर भएका बीर बहादुर बुढा रहेको स्थानीय प्रहरीले जनाएको छ । इलाका प्रहरी कार्यालयबाट खटिएको प्रहरी टोलीले आवश्यक प्रक्रिया पुरयाएर शवलाई पोस्टमार्टमको लागि भेरी अस्पताल नेपालगन्ज पठाएको छ । घटनाबारे प्रहरीले थप अनुसन्धान भइरहेको प्रहरीले जनाएको छ । बुढा पूर्व नेपाल नेपाल प्रहरी रहेकोले सोमबार पेन्सन बुझ्न कोहलपुर आएर फर्किदै गर्दा साँझ  साढे ५ बजे मृत फेला परेको प्रहरीले बताएको छ ।