कोहलपुर,बाँके: बाँकेको ढकेरीमा स्कारपियोले मोटरसाइकललाई ठक्कर दिँदा २ जना घाइते भएका छन् । सोमबार बिहान अन्दाजी ०९ बजे राप्ती सोनारी गाउँपालिका वडा नम्बर ९ ढकेरी नजिकै पुर्व पश्चिम् सडक खण्डमा पश्चिमबाट पुर्व तर्फ जाँदै गरेको बा १९ च ५५७८ नम्बरकोस्कर्पियोले विपरित दिशा तर्फ आउदै गरेको भे ९ प ९१२० नम्बरका मोटरसाइकललाई ठक्कर दिंदा उक्त दुर्घटना भएको प्रहरीले जनाएको छ ।
दुर्घटनाबाट मोटरसाइकल चालक जिल्ला रुकुम पश्चिम् बाफिकोट नगरपालिका वडा नम्बर ६ बस्ने वर्ष ३० का जनक कुसारि र सोही ठाउँ बस्ने वर्ष १८ का अर्जुन कुसारी घाइते भएको प्रहरीले जनाएको छ । जनक कुसारिको अवस्था सामान्य भएपनि अर्जुन कुसारीको टाउकोमा चोट लागि अवस्थागम्भिर रहेको बताईएको छ । घाईते दुबै जनाको नेपालगञ्ज मेडिकल कलेज शिक्षण अस्पताल कोहलपुरमा उपचार भईरहेको प्रहरीले जनाएको छ ।
