कोहलपुर,बाँके: बाँकेको कोहलपुर नगरपालिका वडा नम्बर १२ स्थित चपडगौडीमा भएको सडक दुर्घटनामा परि बैजनाथ गाउँपालिका वडा नम्बर ४ तिलकपुर बस्ने वर्ष ७० का साइकल यात्री पतिराम थारुको मृत्यु भएको छ। तिब्र गतिमा सडकमा हुईकिएको टिप्परले थारु सवार साइकललाई ठक्कर दिँदा उनी घाइते भएका थिए । घाईते थारुलाई उपचारकालागि शिक्षण अस्पताल कोहलपुर लगिएकोमा उपचारका क्रममा उनको सवा एक बजे मृत्यु भएको अस्पताल स्रोतले जनाएको छ ।

आज आईतबार दिउँसो करिब साढे बाह्र बजे पश्चिमबाट पुर्ब तर्फ आउदै गरेको भे १ क २०२९ नम्बरको टिप्परले साइकललाई ठक्कर दिएको थियो।

ठक्करबाट बाँकेको बैजनाथ गाउँपालिका वडा नम्बर ४ तिलक पुर बस्ने वर्ष ७० का साइकल यात्री पतिराम थारुलाई घाइते अवस्थामा उपचारका लागि शिक्षण अस्पताल लगिएको इलाका प्रहरी कार्यालय कोहलपुरका डिएसपी सुन्दर तिवारीले पुष्टि गरेका थिए । । उनको टाउकोमा गम्भिर चोट लागेकाले चिकित्सकहरुले उपचारका क्रममा मृत घाषणा गरेको जनाईएको छ । प्रहरीले टिप्पर र चालकलाई नियन्त्रणमा लिएको जनाएको छ ।