बाँके (राप्ती सोनारी) : हुलाकी सडक अन्तर्गत राप्ती सोनारी गाउँपालिका वडा नम्बर ४ बैजापुरस्थित धामपुरमा हाइसले ठक्कर दिदाँ साईकल यात्रीको मृत्यु भएको छ । दाङबाट नेपालगन्जतर्फ जादै गरेको भे१ख ४१३६ नम्बरको हाईसले ठक्कर दिदाँ साईकल यात्री राप्ती सोनारी ४ बुद्धचोक निवासी ४५ वर्षीय मंगरु थारुको मृत्यु भएको हो ।
विपरित दिशाबाट आइरहेका साईकल यात्रीलाई हाइसले ठक्कर दिदाँ टाउकोमा गम्भिर चोट लागेकोमा नेपालगन्ज मेडिकल कलेज शिक्षण अस्पताल नेपालगन्जमा उपचारका क्रममा मृत्यु भएको प्रहरीले जनाएको छ । ईलाका प्रहरी कार्यालय धामपुरका इन्चार्ज एवम् वरिष्ठ प्रहरी नायव निरीक्षक(वरिष्ठ सई) लोकेन्द्रसिंह कार्कीका अनुसार बिहीबार बेलुकी ६ :२५ बजेतिर थारुलाई हाइसले ठक्कर दिएको थियो ।
दुर्घटनापछि फरार रहेका चालकलाई नियन्त्रणमा लिइएको धामपुर प्रहरीले जनाएको छ । चालक र हाइस दुबैलाई ईलाका प्रहरी कार्यालय कोहलपुर समक्ष बुझाइएको वरिष्ठ सई कार्कीले जानकारी दिए ।
