कोहलपुर-  प्रेस सेन्टर नेपाल कोहलपुर नगर कार्यसमितिको दोस्रो अधिवेशनबाट नयाँ कार्यसमिति चयन भएको छ। कोहलपुर नगर समितिको दोस्रो अधिवेशनबाट नरज सिंह ठकुरी अध्यक्षमा चयन भएका छन् ।

नगरको दोस्रो अधिवेशनबाट उपाध्यक्षमा प्रमिला विश्वकर्मा, सचिव शान्ति सुनार, सहसचिव राजकुमार सन्ज्याल, कोषाध्यक्ष मनवीर परियार, त्यसैगरी सदस्यहरूमा मिना रावल, प्रतिभा शाही, दिलिप बाठा, सुर्य तिवारी, दिपेन्द्र खड्का सहितको कार्यसमिति चयन भएका छन् ।
कार्यक्रमको उद्घाटन भने नेकपा माओवादी केन्द्र जिल्ला समन्वय समितिका बाँकेका अध्यक्ष एवम कार्यक्रम प्रमुख नरेन्द्र पाण्डेले समुद्घाटन गर्नुभएको हो।