नेकपा एमालेबाट बाँके क्षेत्र नं २ का उम्मेदवार मोहम्मद इश्तियाक राईले आज उद्यराइ-व्यवसायीहरूसँगै होली खेल्नुभएको छ। नेपाल उद्योग तथा व्यवसायी महासंघ बाँकेले नेपालगन्जमा आयोजना गरेको होली मिलन कार्यक्रममा सरिक हुनुभई राईले होलीको शुभकामना आदान-प्रदान गर्नुभएको हो।
होली खेल्दै उद्योगी व्यवसायीहरूले उम्मेदवार राईलाई जितको शुभकामना दिनुभएको थियो। होली मिलन कार्यक्रममा बोल्दै राईले उद्योगी व्यवसायीहरूले एमालेको निर्वाचन अभियानमा देखाएको सक्रिताको सह्राना गर्नुभयो। सबैको सक्रिय साथ-सहयोग र समर्थनले आफूलाई फागुन २१ गतेको निर्वाचनमा जित नजिक पुर्याएको राईको भनाई थियो।
सो क्रममा राईले करिब १ महिना निर्वाचन प्रचार-प्रसार र जनताका समस्याहरू बुझ्न घरदैलोमा जाँदा मतदाताले दर्साएको भरोसालाई आफूले ठूलो जिम्मेवारीका रूपमा लिएको बताउनुभयो। कसैसँग भेट वा सम्पर्क हुन नसके पनि आफ्नो मन-मुटुमा सधैं नै यहाँका मतदाताहरू रहनुभएको जिकिर गर्दै उम्मेदवार राईले बाँके निर्वाचन क्षेत्र नं १ मा यो पटक इतिहास रचिने दाबी गर्नुभयो।
आफ्नो निर्वाचन क्षेत्रसहित समग्र बाँकेलाई बलियो बनाउँदै यहाँका अजेन्डाहरूलाई काठमाडौंको सत्तासँग स्थापित गर्ने आफ्नो अठोट सुनाउनुभएका राईले पार्टीभन्दा बाहिरबाट पनि आफूले उल्लेख्य साथ पाएको र त्यो साथमा साथ निभाउन आफू पनि सक्रिय रहने प्रतिबद्धता जनाउनुभयो।
