इलाका प्रहरी कार्यालय कोहलपुरले लागूऔषध ब्राउनसुगर सहित एक जनालाई पक्राऊ गरेको छ ।
पक्राऊ पर्नेमा, कोहलपुर नगरपालिका वडा नं १ कौशिलानगर बस्ने बर्ष २६ को जिवन लामिछाने रहेको प्रहरीले जनाएको छ ।
उनलाई बैजनाथ गाँउपालिका वडा नं ४ नौलापुर स्थित बाट २३ पुडिया ब्राउनसुगर सहित आईतबार दिउसो पक्राऊ गरिएको डिएसपी ऐन बहादुर मल्लले जानकारी दिए ।
उनका अनुसार, लामिछानेको ससुराली छली कुमारी पुन मगरको घर कोठामा लागुऔषध ब्राउन सुगरको कारोवार गरिरहेको भन्ने बिशेष सुचनाको आधारमा उनलाई पक्राऊ गरिएको हो ।
उक्त लागुऔषध तौल गर्दा १ ग्राम ९५० मिलिग्राम रहेको प्रहरीले जनाएको छ।
लामिछनेलाइ नियन्त्रणमा लिई थप अनुसन्धान भईरहेको डिएसपी मल्लले बताए ।
