बिभिन्न क्षेत्रबाट कबाडीमा मनलाग्दी तरिकाले गुनासो गरेपछि कोहलपुर नगर कार्यपालिकाले उक्त शिर्षकमा २०७९ साल श्रावण १ गते कोहलपुर नगरपालिकाको पेजमा नयाँ टेन्डर आह्वान गरेको हो । नयाँ टेन्डर आह्वान गरेको भएता पनि कबाडीका नाममा रकम असुल्ने काम भने रोकीएको छैन । कोहलपुर नगरपालिका नगर कार्यपालिकाको कार्यालय कोहलपुरको आन्तरिक रसिदको नाममा अनुदिप विल्डर्स एण्ड इन्भेस्टमेन्टको फर्म मार्फत पनि राजस्व संकलन कार्य भैरहेको प्रमाण कोहलपुर टाइम्सलाई प्राप्त भएको छ । यसरी पुरानो पर्मसंगको सम्झौता सकिए पछि नयाँ टेन्डर आह्वान भइसकेपश्चात नयाँ पक्रियाबाट सम्झौता नभएको खण्डमा राजस्व कर उठाउन नपाइने जानकारहरु बताउछन ।

यस बिषयमा बुझ्न खोज्दा कोहलपुर नगरपालिकाका प्रमुख प्रशासकीय अधिकृत सङ सम्पर्क हुन सकेन। यसै बारे बौझ्दा कोहलपुर नगरपालिकाका लेखा अधिकृत युवराज अधिकारीले मनोमानीरुपमा कर संकलन भैरहेको र यसलाई नियन्त्रण गर्नकालागि नगरपालिकाले थाहा पाउने बित्तिकै नयाँ टेन्डर आह्वान गरेको जनाकारी दिनुभयो । साथै उहाँले यसरी नयाँ टेन्डर आह्वान भइसकेपछि र नयाँ आर्थिक बर्षको लागु भएपछि राजस्व उठाउन नयाँ फर्मसंग सम्झौता भएपछिमात्र लागु हुने ब्यबस्था रहेको जानकारी दिनुभयो । नगरपालिकाको नाम प्रयोग गरि प्राइभेट फर्महरुले यसरी राजस्व संलन गर्दा समेत कोहलपुर नगरपालिका किन बेखबर छ? स्थानिय प्रश्न गरिरहेका छ्न। आर्थिक बर्ष सकिदै गर्दा र नयाँ टेन्डर आह्वान भएसंगै पुराना रहेका फर्महरु स्वत निष्क्रीय हुने गर्दछन । यस्ता फर्महरुले राजस्व उठाउनकालागि नगरपालिकाको कार्यकापलिकाले निर्णय गर्नुपर्ने हुन्छ त्यो पनि भएको पाइदैन। यस बिषयमा कुनै निर्णय नभएको नगरपालिकाका कर्मचारीहरु बताउछन । यसरी मनलाग्दी रुपमा नगरपालिकाको नाममा व्यक्ति पोस्ने काम किन जनप्रतिनिधहरुबाट भैरहेको छ ? जनप्रतिधिहरुसंग कोहलपुरका जनताहरुको धेरै विश्वास र भरोसा रहेको भएता पनि यस्ता खालका गतिबिधीबाट कस्तो अपेक्षा गर्ने । राजस्व नगरपालिका मै जम्मा हुने होला कि नहोला? जिज्ञासा बढीरहेको छ ।

यस बिषयमा आफुहरुलाई जानकारी आएपश्चात सबै कामहरु बन्द गराईएको इलाका प्रहरी कार्यालय कोहलपुरका डिएसपी ऐनबहादुर मल्लले जानकारी दिए । उनले भने हिजो शुक्रबार आफुहरुले यस्ता गतिबिधीहरु रोक्न लगाएको र निगरानी पनि गरिरहेको जानकारी दिए ।