• १८ आश्विन २०७९, मंगलवार
बाँकेमा कोरोनाका ५ संक्रमित थपिए, १३ जना डिस्चार्ज

संक्रमण पुष्टि भएकामध्ये ३ जना बाँकेका हुन् भने २ जना जिल्ला बाहिरका हुन


  • टाइम्स संवाददाता

  • १० भाद्र २०७९, शुक्रबार १३:२५

नेपालगञ्ज : बाँकेमा शुक्रवार थप ५ जनामा कोरोना भाइरस संक्रमण पुष्टि भएको छ । भेरी अस्पतालमा १० जनाको नमूना परीक्षण गर्दा २ जना र राप्तीसोनारी गाउँपालिकामा ३ गरी ५ जनामा भाइरस संक्रमण पुष्टि भएको जिल्ला कोभिड–१९ व्यवस्थापन केन्द्रका फोकल पर्सन तेज वलीले जानकारी दिए ।

संक्रमण पुष्टि भएकामध्ये ३ जना बाँकेका हुन् भने २ जना जिल्ला बाहिरका हुन् । यो सँगै जिल्लामा कोरोना संक्रमितको संख्या २१ हजार ३३३ पुगेको छ ।

यस्तै शुक्रवार थप १३ जना निको भएका छन् । यो सँगै जिल्लामा निको हुनेको संख्या २० हजार ९३७ पुगेको छ । अहिले जिल्लामा सक्रिय संक्रमितको संख्या ४३ जना रहेको वलीले बताए । एक जनाको भेरी अस्पतालको कोभिड आइसोलेसन वार्डमा उपचार भइरहेको छ भने ४२ जना होमआइसोलेशमा बसिरहेका छन् ।

Nabintech