काठमाडौं : नेपाल वाङ्मय परिषद धनगढीले स्रष्टा सम्मान तथा कृति लोकार्पण कार्यक्रम सम्पन्न गरेको छ । शनिबार काठमाडौंमा नेपाली वाङ्मय साधना सम्मान तथा पद्मा–रामचन्द्र लघुकथा सम्मान वितरण गरियो । सो कार्यक्रममा नेपाली वाङ्मय साधना सम्मान (२०७७) बाट मातृका पोखरेल, नेपाली वाङ्मय साधना सम्मान (२०७८) बाट डा. अमर गिरी, नेपाली वाङ्मय साधना सम्मान (२०७९) बाट प्राडा हेमनाथ पौडेललार्ई सम्मानित गरियो ।
कार्यक्रममा रासाले नेपाल भाषाबाट नेपालीमा अनुवाद गरेको लघुकथाकार श्याम आशाको लघुकथा संग्रह ‘अघोषित आवाज’को समेत विमोचन गरिएको थियो । नेपाल वाङ्मय परिषदका अध्यक्ष डा. पुष्करराज भट्टको अध्यक्षतामा कार्यक्रम सम्पन्न भएको थियो ।
