कोहलपुर  : कोहलपुर नगरपालिका वडा नं. १३, श्री बाल शिक्षा माध्यमिक विद्यालयमा पाँचवटा सामुदायिक विद्यालयहरूको सहभागितामा अन्तर विद्यालयस्तरीय हजिरि जवाफ प्रतियोगिता सम्पन्न भएको छ। हाजीर जवाफ प्रतियोगीता सम्वर्धन परियोजन , श्री बाल शिक्षा मा.वि, र सामुदायिक वन उपभोक्ता महासंघ, महासघ बाँके को सहकार्यमा आयोजना गरिएको थियो ।कार्यक्रमका प्रमुख अतिथि कोहलपुर नगरपालिका वडा नं. १३ का वडा अध्यक्ष डम्बर बहादुर खड्काले विद्यार्थीस्तरबाटै संरक्षण, वातावरण र प्राकृतिक स्रोतको महत्वबारे ज्ञान दिन यस्ता कार्यक्रम प्रभावकारी हुने बताउनुभयो। उहाँले विद्यालयस्तरमा यस्ता बौद्धिक गतिविधि निरन्तर हुनुपर्नेमा जोड दिनुभयो।

हाजीर जवाफ प्रतियोगिताको विशिष्ट अतिथि समेत रहेकी सामुदायिक वन उपभोक्ता महासंघ बाँके जिल्लाकी अध्यक्ष सावित्री पुनले यस्ता रचनात्मक कार्यले संरक्षणमा टेवा पुग्ने र बालबालिकामा संरक्षणको विकास हुने बताउनु भएको थियो
विद्यार्थीहरूमा शैक्षिक ज्ञानसँगै वातावरणीय विषयमा सचेतना अभिवृद्धि गर्ने उद्देश्यले आयोजना गरिएको प्रतियोगितामा सामान्य ज्ञान, शैक्षिक विषयवस्तु, वन, जैविक विविधता, जलवायु परिवर्तन तथा वातावरणीय संरक्षणसम्बन्धी प्रश्नहरू समावेश गरिएको थियो।
कार्यक्रम कोहलपुर नगरपालिका वडा नं. १३ का वडा अध्यक्ष, विभिन्न विद्यालयका प्रतिनिधिहरू, ँभ्ऋइँग्ल् बाँकेका जिल्ला अध्यक्ष, सम्वद्र्धन परियोजना प्रतिनिधि तथा विद्यालय समुदायको उल्लेखनीय उपस्थितिमा सम्पन्न भएको थियो।
प्रतियोगितामा श्री बाल शिक्षा माध्यमिक विद्यालय प्रथम, कोहलपुर माध्यमिक विद्यालय द्वितीय तथा ज्ञानज्योति माध्यमिक विद्यालय बगिया तृतीय स्थान हासिल गर्न सफल भएका थिए प्रतियोगिताले विद्यार्थीहरूलाई कक्षाकोठाभन्दा बाहिरका व्यावहारिक विषयबारे पनि सिक्ने अवसर प्रदान गरेको सहभागीहरूले बताएका थिए ।

सम्वद्र्धन परियोजना हाल बाँके र बर्दिया जिल्लाका चार स्थानीय तह—कोहलपुर नगरपालिका, राप्तिसोनारि गाउँ पालिका , मधुवन नगरपालिका र ठाकुरबाबा नगरपालिकामा सञ्चालन हुँदै आएको छ। परियोजनाले सामुदायिक वन, कृषिक समुह, कृषि तथा वनमा आधारित उद्यम, र विद्यालय क्षेत्रमा काम गर्दै कृषि र वन स्रोतहरूको दिगो ब्यवस्थापन तथा उपयोग, हरित रोजगार सिर्जना र सचेतना अभिबृधि साथै स्थानीय समुदायको क्षमता विकासमा जोड दिएको छ।
यस किसिमका शैक्षिक तथा सहभागितामूलक कार्यक्रमहरूले विद्यार्थीहरूमा वातावरणीय संरक्षण, जैविक विविधता, जलवायु परिवर्तन, सामुदायिक वन तथा मानव–वन्यजन्तु सहअस्तित्वसम्बन्धी विषयमा बुझाइ बढाउँदै दीर्घकालीन सकारात्मक प्रभाव पार्ने विश्वास लिइएको को पैरवी अधिकृत जयन जोसीले बताउनु भयो । परियोजना युरोपियन युनियन र अष्ट्रियन डेभलपमेन्ट कोअपरेसनको आर्थिक सहयोगमा, आड्रा नेपालको नेतृत्वमा, एन्साब नेपाल, सामुदायिक वन उपभोक्ता महासंघ नेपाल ( फेकोफन ) र भेरी वातावरणीय विशिष्टता समूह (बी–गुरुप) बाँकेको सहकार्यमा सञ्चालन भइरहेको छ ।