कोहलपुर, बांके: पुर्ब पश्चिम राजमार्ग अन्तरगत बनकटवाको गडरहि चोकमा एउटा माल बाहक ट्रक पल्टिएको छ । आज बिहान ३ बजेको समयमा जिल्ला बाँके बैजनाथ गाउपालिका वडा नंं ६ स्थित गडरहि चोक नजिक पश्चिमबाट पुर्बतर्फ जाँदै गरेको रा १ ख २२५६ नम्बरको ट्रक पल्टिएको अबस्थामा भेटिएको हो । दुर्घटनाबाट कुनै मानबिय क्षति नभएपनि दुर्घटनाको कारण भने खुल्न सकेको छैन ।

बांकेमा आज बिहानै देखि हुस्सु लागेको र भिजिबिलिटि समेत अत्यन्त न्युन रहेका कारण दुर्घटना भएको हुनसक्ने प्रहरीले आशंका गरेको छ । मालबाहक ट्रकमा कतिजना सवार थिए र उक्त ट्रकमा के कति माल सामान रहेको बारे केहि खुलेको छैन । प्रहरीले घटनाको अनुसन्धान भईरहेको जनाएको छ ।