सुर्खेत: स्थानीय तहमा दलित समुदायको उत्थानका लागि ल्याइएका कार्यक्रम सञ्चालन नहुदा दलित समुदायले स्थानीय तहको आभाष गर्न पाएका छैनन् । गाउँघरको सरकार भएपनि सधैं जसो पछाडि पर्ने गरेको दलित समुदाय स्थानिय सरकारको नजरमा पनि पर्न नसकेको दलित समुदायका नागरिकहरु बताउने गर्दछन् ।

आगँनको सरकार भएता पनि दलित समुदाय भने उपेक्षामा पर्ने गरेको उनिहरुको गुनासो छ । निर्वाचनको बेला दलित समुदायको उत्थानको लागि सीपमुलक कार्यक्रम ल्याउने, रोजगारी दिने जस्ता विभिन्न खालका आश्वासन दिएता पनि निर्वाचन पछि भने जनप्रतिनिधिहरुले फर्केर नहेर्ने गरेका हुन् ।

कालिकोटको पचालझरना गाउँपालिकाले पनि दलित समुदायका लागि बजेट नै कम छुट्याएको छ । बजेट विनियोजन गर्दा दलित समुदायका नागरिकका लागि सीपमुलक कार्यक्रमका साथै दलित समुदायका विद्यार्थीहरुलार्ई उच्च शिक्षा अध्ययनमा सहयोग गर्ने कार्यक्रम रहेको छ । अहिले यो पालिकामा सीपमुलक कार्यक्रम सञ्चालन नभएपनि दलित समुदायका एकजना छात्रालाई उच्च शिक्षा आईसिटि पढाइरहेको पचालझरना गाउँपालिकाका अध्यक्ष देवराज शाहीको भनाई छ ।