काठमाडौं : नेपाली राष्ट्रिय महिला फुटबल टोलीले शनिबार भियतनामसँग दोस्रो खेल खेल्दैछ। खेल त्रिपुरेश्वरस्थित दशरथ रंगशालामा साँझ ६ बजे सुरु हुनेछ।
पेरिस ओलम्पिक महिला फुटबल अन्तर्गत एसिया छनोटको पहिलो चरणको दोस्रो खेलमा नेपाल र भियतनामबीच दोस्रो खेल हुन लागेको हो। पहिलो खेलमा ५–१ गोलले पराजित भएको नेपाल शनिबार हारबाट जोगिने प्रयासमा हुनेछ। तर बलियो टोली भियतनाम नेपालका लागि चुनौती बन्ने छ।
भियतनाम भने नेपाललाई दोस्रो खेलमा पनि हराएर दोस्रो चरणमा प्रवेशको लक्ष्यमा हुनेछ। नेपाल र भियतनाम छनोट खेलको समूह सीमा छन्। यो समूहमा रहेका प्यालेस्टाइन र अफगानिस्तानले नाम फिर्ता लिएपछि यस समूहमा नेपाल र भियतनाम मात्र छन् । समूहको शीर्ष स्थानमा रहने टोलीले दोस्रो चरणमा स्थान बनाउनेछ।
