सुनसरीपछि मोरङमा अहिलेसम्म दुई हजार दुई सय ४२, धादिङमा दुई हजार एक सय एक, झापामा एक हजार तीन सय २३, काठमाडौंमा चार सय २७, धनकुटामा तीन सय ३६, संखुवासभामा दुई सय ७२, कास्कीमा दुई सय ६०, दार्चुलामा एक सय ९४ र ललितपुरमा एक सय ७४ जनामा डेंगी संक्रमण पुष्टि भएको छ।
डेंगी ‘एडिज एजिप्टी र एडिस एल्बोपिक्टस’ प्रजातिको लामखुट्टेको टोकाइबाट फैलिन्छ। यो लामखुट्टेले पानी जम्ने सफा ठाउँमा फुल पार्छ। ती फुलबाट निस्कने लार्भा वयस्क भएर टोकेपछि डेंगी रोग लाग्ने विज्ञहरुको भनाई छ।
नेपालमा पहिलोपटक सन् २००४ मा एक जनामा डेंगी रोग देखिएको थियो। त्यसयता हरेक वर्ष निरन्तर डेंगी संक्रमण बढ्दै गएको छ।महाशाखाका अनुसार नेपालमा सन् २०२२ मा ५४ हजार सात सय ८४ जनामा डेंगु संक्रमण पुष्टि हुँदा ८८ जनाको मृत्यु भएको थियो।लामखुट्टेको टोकाइबाट हुने डेंगी रोगको संक्रमण रोक्न कतिपय स्थानीय तहले ‘लार्भा खोज र नष्ट गर’ अभियानसमेत सञ्चालन गरेका छन्।
